ՀՊՄ - Սպառողների շահերի պաշտպանությունը հանրային ծառայություններում

Գազի սակագնի շուրջ

Երեքշաբթի, 21 Մայիս 2013 10:16

Անհասկանալի են ՀՀ իշխանությունները: Վարչապետն ասում է, որ դեռևս գազի գնի վերաբերյալ բանակցություններ են շարունակվում ռուսների հետ: Էներգետիկայի նախարարն ասում է, որ գազի գնի թանկացման խնդիր չկա: Իսկ հանրային ծառայությունները կարգավորող հանձնաժողովը /ՀԾԿՀ/ քննարկում է Հայռուսգազարդ ընկերության կողմից ներկայացրած սպառողներին գազի վաճառքի սակագնի հետ կապված հայտը: Ընդ որուում հայտը ներկայացվել է սահմանին գազի գնի բարձրացման հիմնավորմամբ: Այ քեզ իշխանություն, կամ իշխանություն թե խառնաշփոթություն: Սա արվում է միտումնավոր:

Գազի խնդիրն ունի քաղաքական, սոցիալական, տնտեսական բաղադրիչներ: Առաջին երկուսի պատասխանատուն ՀՀ կառավարությունն է: Քաղաքական գործընթացների տապալում, սոցիալական ծրագրերի տապալում /աղքատություն, արտագաղթ, սոցիալական անարդարություն և այլն/:

Գազի խնդրի տնտեսական բաղադրիչի պատասխանատուն երկրում սպառողների հաշվին գործող հանրային ծառայությունները կարգավորող «անկախ» հանձնաժողովն է: Որի պարտականությունն է աշխատել բաց, թափանցիկ, հավասարակշիռ: Նա պարտավոր է իր վարույթում գտնվող ամբողջ տեղեկատվությունը ներկայացնի հանրությանը՝ սպառողին: Դա նրա պարտականությունն է: Բայց քանի որ ՀԾԿՀ-ն միայն պատվեր կատարող է, այն վարձատրվում է սպառողների գրպանից, բայց կատարում է իշխանության և ընկերությունների պատվերը, ուստի մեր քաղաքացիական պահանջը պետք է ուղղենք այդտեղ: Պետք է պահանջել, որ ՀԾԿՀ-ն տրամադրի ամբողջ ինֆորմացիան գազի սակագնի հայտի մասով, բաց քննարկումներ կազմակերպի սպառողների հետ, անկախ սպառողների քանակից, նորից եմ գրում դա ՀԾԿՀ-ի պարտականությունն է: Պետք է պատրաստ լինել այս հարցում ցանկացած զարգացման: Սովորաբոր նման հարցերը լուծվում են անորոշության և շտապողականության մթնոլորտում: Պահանջել ՀԾԿՀ-ից բազմաթիվ քննարկումներ հայտը հիմնավորելու համար, դա սպառողի իրավունքն է, իսկ ՀԾԿՀ պարտականությունը:

Քաղաքացիական նախաձեռնության հիմնական խնդիրը պետք է լինի սպառողներին հարմար և հիմնավորված սակագնի պահանջը ՀԾԿՀ-ից: Սակագնի հետ կապված տնտեսական և հաշվարկային պարզաբանումներ կներկայացնենք որոշ հարցերի պաշտոնական պարզաբանումներ ստանալուց հետո:

Առայժմ այսքանը:

Քաղաքացիական նախաձեռնությունը պետք է մշտապես պատրաստ լինի պայքարի...

Գազի թանկացում՝ չարիք, թե բարիք

Հինգշաբթի, 16 Մայիս 2013 12:21

Կարծում եմ Հայաստանի ցանկացած քաղաքացու համար պարզ էր, որ բոլոր ռանգի «ընտրություններից» հետո գազը պետք է թանկանար: Սա քաղաքական խնդիր է: Սրա մասին բազմիցս խոսվել է: Գազը՝ դա ռուսական ապրանք է և ռուսական ընկերությունների կողմից վաճառվում է հայ սպառողներին: Խնդիրն ավելի բարդ է: Հերթական անգամ ռուսները «շինեցին» հայերին: Իսկ որ ամենակարևորն է, հերթական անգամ, երկրիս բոլոր կարգի իշխանությունները հաճույքով «շինվեցին»: Մնացել է Հայ ժողովուրդը, որը բոլոր կրիտիկական պահերին կարողանում է լուծումներ գտնել, եթե ուզում է: Կարծում եմ, որ բարձրացված խնդրի վերաբերյալ աղմկելուց առաջ պետք է հավաքվել, քննարկել խնդիրը, կառուցել մարտավարությունը և այն տարածել բնակչության մեջ: Այդ հավաքը գուցե լինի մայիսի 16-ին, ժամը 10-ին:
Գազի սակագնի թանկացումը մեծապես կախված է հանրային ծառայությունները կարգավորող հանձնաժողովից /ՀԾԿՀ/: Սա պետք է լիներ քաղաքականությունից անկախ մարմին և իրականացներ նորմալ սակագնային քաղաքականություն: Սակայն, ցավոք, սա իշխանությունների և ընկերությունների գրպանում դրված կառույց է և իր գործունեությամբ մշտապես արհամարել է սպառողների իրավունքները: Պետք է սկսել սրանից: Գազի սակագինը կարող է մնալ նույնը, եթե անգամ նարա գինը ռուսները թանկացրել են սահմանին: Սա քննարկման խնդիր է: Ինչ է արված: Արված է հերթական սպեկուլյացիան: Գազի ընկերությունը ներկայացրել է չհիմնավորված շատ բարձր թվեր, ՀԾԿՀ-ն դրանից մի քիչ կպակասեցնի և կսահմանի սակագին, որը սակայն որևէ կապ չի ունենա Հայ սպառողի ցանկությունների և շահերի հետ:
Առայժմ այսքանը: Խնդիրը քննարկելուց հետո պետք է ճնշում գործադրել առաջին հերթին ՀԾԿՀ-ի վրա:

Գազի թանկացում

Չորեքշաբթի, 15 Մայիս 2013 16:59
Հանրային  ծառայությունները  կարգավորող  հանձնաժողովը  վարույթ  է  ընդունել  գազի  թանկացման  հետ  կապված  ՀայՌուսգազարդ  ընկերության  հայտը:  Ըստ  հայտի  սպառողներին  վաճառվող  գազի  գինը  թանկանալու  է  մոտ  64  տոկոսով:  Հաշվարկին  կարող  եք  ծանոթանալ  այստեղ...

Հարցում

Հայաստանի Հանրապետությունում իրականացվու՞մ է հանրային ծառայությունների կարգավորում